Sot në mbledhjen e Komitetit Rajonal të Zhvillimit të Turizmit për Qarkun Tiranë

Sot në mbledhjen e Komitetit Rajonal të Zhvillimit të Turizmit për Qarkun Tiranë diskutuam për mbarëvajtjen e sezonit turistik që kemi përpara dhe detyrimin për të marrë të gjitha masat e nevojshme që gjithçka të shkojë mirë. Tashmë kemi një përvojë të konsoliduar edhe nga vitet e mëparshme sepse turizmi është pjesë e pandashme e ekonomisë shqiptare, por sidoqoftë ky është një sektor shumë dinamik dhe sfidat që e shoqërojnë duhen adresuar vazhdimisht. Besimplotë se duke bashkërenduar punën ndërinstitucionale do të garantojmë sigurinë, menaxhimin e mbetjeve, fluksin e shtuar të lëvizjes, shërbimin shëndetësor, sigurinë ushqimore, ndotjen akustike dhe shumë aspekte të tjera të rëndësishme.