Në zbatim të vendimit të Këshillit të Ministrave u zhvillua sot ceremonia e prezantimit zyrtar të Prefektit të ri të Qarkut të Tiranës z. Afrim Qendro.

Në zbatim të vendimit të Këshillit të Ministrave u zhvillua sot ceremonia e prezantimit zyrtar të Prefektit të ri të Qarkut të Tiranës z. Afrim Qendro. 

Të pranishëm ishin Kryetari i Bashkisë së Tiranës z. Erion Veliaj, zv.ministrja e Brendshme znj. Romina Kuko, kryetari i Këshillit të Qarkut z. Aldrin Dalipi, ish-prefekti z. Mersin Murataj, përfaqësues të bashkive të tjera të Qarkut dhe drejtues institucionesh vendore. 

Z. Qendro falenderoi Kryeministrin Rama dhe qeverinë për besimin e dhënë për të drejtuar qarkun më të madh në vend. Ai e konsideroi privilegj dhe përgjegjësi të qenit në shërbim të qytetarëve të qarkut. Z. Qendro garantoi angazhim maksimal, seriozitet dhe përkushtim në kryerjen e detyrës, në bashkëpunim me njësitë e qeverisjes vendore dhe institucionet e pushtetit qendror. 

Z. Qendro falenderoi edhe paraardhësin e tij në këtë detyrë z.Murataj.