Kryeministri i Republikës së Shqipërisë dhe Prefektja e Qarkut Tiranë inspektojnë nga afër zonat e përmbytura në Bashkinë Kamëz

Mbrëmjen e sotme, datë 01.12.2017 Kryeministri i Vendit  Z. Edi Rama së bashku me Prefekten e Tiranës, Znj.  Suzana Jahollari dhe Kryetarin e Bashkisë Kamëz, Z. Xhelal Mziu, inspektuan nga afër zonat më problematike të përmbytura në këtë bashki. Rreth 60 familje u evakuan  të enjten  brenda 24 orëve të para të emergjencës, situata paraqitet më e qetë. Nën kujdesin e Znj..Jahollari, Forcave të Armatosura, M.N.Z.SH. dhe Bashkisë Kamëz, po punohet për përmirësimin e situatës dhe sistemimin e kolektorit të kësaj zone.

Gjithashtu Znj.Prefekte inspektoi nga afër rezervuarin e Marikajt ku sipas raportimeve niveli i ujit po arrinte kuotën maksimale me mbështetjen e Forcave të Armatosura, në orët e vona të natës, u morën masa me mjete të rënda për të lehtësuar situatën, daljen e ujit me synim rritjen e sigurisë për qytetarët.