Sot më datë 02.06.2020 në ambientet e Institucionit të Prefektit të Qarkut Tiranë u zhvillua takimi i radhës i Task-Forcës Vendore në nivel qarku, për bashkëpunim dhe koordinim, në lidhje me parandalimin dhe goditjen e veprimtarisë kriminale të kultivimit të bimëve narkotike i cili u drejtua nga Prefekti i Qarkut Tiranë znj.Suzana Jahollari.

Sot më datë 02.06.2020 në ambientet e Institucionit të Prefektit të Qarkut Tiranë u zhvillua takimi i radhës i Task-Forcës Vendore në nivel qarku, për bashkëpunim dhe koordinim, në lidhje me parandalimin dhe goditjen e veprimtarisë kriminale të kultivimit të bimëve narkotike i cili u drejtua nga Prefekti i Qarkut Tiranë znj.Suzana Jahollari.  Në këtë takim morën pjesë:  znj. Alma Mele nga Ministria e Brendshme, Z. Dhimitraq Ziu, Zv/ Drejtor i Drejtorisë Vendore të Policisë Tiranë,  z.Andi Seferi, N/Kryetar i Bashkisë Tiranë, Erindi Bejko, Drejtor i Përgjithshëm në  Drejtorinë e Objekteve në Bashkëpronësi, Administrimit të Njësive Administrative dhe Emergjencave Civile në  Bashkinë Tiranë,  përfaqësues nga Prokuroria e Rrethit Gjyqësor Tiranë dhe Shërbimit Informativ Shtetëror, si dhe përfaqësues të tjerë nga institucionet, anëtarë të Task-Forcës Vendore.  Në këtë takim u diskutua për formatin e ri të raportimit periodik në mënyrë tabelare, të pasqyruar me shifra konkrete, përcaktimin e personave përgjegjës të cilët do të menaxhojnë marrjen dhe dërgimin e informacioneve përkatëse në afatin e kërkuar, vëmendjen e shtuar  për zonat me risk të lartë, si dhe për menaxhimin e situatës së zjarreve. Në këtë takim, u evidentua se për periudhën 5-mujore nuk ka pasur problematika dhe u la si detyrë  të punohet për intensifikimin e kontrolleve në terren dhe sensibilizim të komuniteteve, duke pasur parasysh edhe sezonin, në të cilin kultivohen bimët narkotike. Objektivi kryesor është parandalimi i kultivimit të bimëve narkotike dhe çrrënjosja e tyre nga territori i Qarkut Tiranë.