Takim me operatorët turistikë

Prefekti i Qarkut Tiranë z.Afrim Qëndro së bashku me Ministren e Turizmit dhe Mjedisit, Znj. Mirela Kumbaro dhe kryebashkiakët e Durrësit e Kavajës zhvilluan një takim me operatorët turistikë të këtyre dy bashkive që mirëpresin qindra mijëra turistë çdo vit.

Në këtë takim u diskutua për punën përgatitore të sezonit turistik dhe mbarëvajtjen e tij. Pritshmëritë janë që ky sezon të ketë fluks më të lartë për shkak edhe të çlirimit prej pandemisë.

Për menaxhimin e mbetjeve, mirëadministrimin e hapësirave në plazhe e sidomos në ato publike dhe për respektimin e detyrimit për roje plazhi etj, do duhet të bashkërendojmë punën prej tani e deri në përfundim të sezonit.